Drittijiet tal-passiġġieri tal-ajru

Id-drittijiet tal-passiġġieri tal-ajru tal-UE japplikaw:

• Jekk it-titjira tiegħek hija fl-UE u hija operata minn linja tal-ajru tal-UE jew mhux tal-UE
• Jekk it-titjira tiegħek tasal fl-UE minn barra l-UE u hija operata minn linja tal-ajru tal-UE
• Jekk it-titjira tiegħek titlaq mill-UE lejn pajjiż mhux tal-UE u hija operata minn linja tal-ajru tal-UE jew mhux tal-UE
• Jekk għadek ma rċevejtx benefiċċji (kumpens, rotta alternattiva, assistenza mil-linja tal-ajru) għall-problemi marbuta ma’ din it-titjira skont il-liġi rilevanti ta’ pajjiż mhux tal-UE.

Meta ngħidu l-UE nkunu qed infissru s-27 pajjiż tal-UE, inkluż Guadeloupe, il-Guyana Franċiża, Martinique, Mayotte, Réunion, Mayotte, Saint Barthélemy, Saint-Martin (l-Antilli Franċiżi), l-Azores, Madeira u l-Gżejjer Kanarji, iżda mhux il-Gżejjer Faeroe. Ir-regoli tal-UE japplikaw ukoll għal titjiriet lejn u mill-Iżlanda , in-Norveġja u l-Iżvizzera.

X’mar ħażin?

• It-titjira tiegħek ġiet ikkanċellata
• It-titjira tiegħek ittardjat
• Ma tħallejtx titla’ fuq l-ajruplan
• It-titjira tiegħek ġiet ibbukkjata żżejjed
• It-titjira tiegħek tqiegħdet fi klassi ogħla jew fi klassi inferjuri
• Tlift it-titjira konnessa tiegħek
• Il-bagalji tiegħek intilfu, saritilhom il-ħsara jew ittardjaw
• Drittijietek bħala passiġġier b’diżabbiltà jew b’mobbiltà mnaqqsa ma ġewx rispettati

Kif tista’ titlob drittijietek?

Itlob drittijietek!

Ma tħallejtx titla’ fuq l-ajruplan

Il-linja tal-ajru jaf ma tħallikx titla’ fuq l-ajruplan:

• Għal raġunijiet ta’ sikurezza, ta’ sigurtà jew ta’ saħħa (pereżempju, jekk ma infurmajtx minn qabel lil-linja tal-ajru b’xi allerġiji severi jew b’xi mard infettiv) jew jekk m’għandekx id-dokumenti tal-ivvjaġġar it-tajbin (aktar informazzjoni dwar id-dokumenti li għandek bżonn biex tivvjaġġa fl-Ewropa)
• Jekk ma ħadtx it-titjira tad-destinazzjoni ta’ prenotazzjoni li kienet tinkludi titjira tar-ritorn
• Jekk ma ħadtx titjira/titjiriet oħra inklużi fi prenotazzjoni b’titjiriet konsekuttivi
• Jekk m’għandekx id-dokumentazzjoni rilevanti għall-annimal domestiku tiegħek meta dan jivvjaġġa miegħek

Jekk ippreżentajt ruħek fil-ħin għaċ-check-in bi prenotazzjoni valida ta’ titjira u bid-dokumentazzjoni tal-ivvjaġġar u l-linja tal-ajru ma ħallitekx titla’ fuq l-ajruplan minħabba bbukkjar żejjed jew raġunijiet operazzjonali, u ma ċċedix postok volontarjament, inti intitolat għal:

• kumpens
• id-dritt li tagħżel bejn rimborż, rotta alternattiva jew li terġa’ tibbukkja aktar tard u
• assistenza

Titjira kkanċellata

Ikun hemm kanċellazzjoni meta:

• l-iskeda oriġinali tat-titjira tiegħek titħassar u tiġi trasferit għal titjira skedata oħra
• il-ħin tat-tluq tat-titjira tiegħek jitressaq ’il quddiem b’aktar minn siegħa
• l-ajruplan telaq iżda kellu jirritorna fl-ajruport tat-tluq u ġejt trasferit f’titjira oħra
• it-titjira tiegħek tasal f’ajruport li mhuwiex id-destinazzjoni finali indikat fuq il-biljett tiegħek, ħlief meta:
  • Aċċettajt rotta alternattiva (b’kundizzjonijiet kumparabbli ta’ trasport mal-ewwel opportunità) lejn l-ajruport tad-destinazzjoni finali oriġinali tiegħek jew għal kwalunkwe destinazzjoni oħra li qbilt dwarha. F’dan il-każ jitqies bħala dewmien u mhux bħala kanċellazzjoni.
  • L-ajruport tal-wasla u l-ajruport tad-destinazzjoni finali oriġinali jservu l-istess raħal, belt jew reġjun. F’dan il-każ jitqies bħala dewmien u mhux bħala kanċellazzjoni.

Jekk it-titjira tiegħek tiġi kkanċellata għandek id-dritt li tagħżel bejn rimborż, rotta alternattiva jew titjira ta’ ritorn. Inti intitolat ukoll għall-assistenza fl-ajruport.

Jekk ġejt infurmat bil-kanċellazzjoni anqas minn 14-il jum qabel id-data skedata tat-tluq, għandek dritt għal kumpens. Il-linja tal-ajru għandha l-obbligu li tagħti prova jekk u meta inti ġejt personalment infurmat li t-titjira kienet ikkanċellata. Jekk dan mhux il-każ tista’ tikkuntattja lill-awtorità nazzjonali en tiegħek għal aktar assistenza.

Madankollu, ma jingħatax kumpens jekk l-operatur tal-ajru jista’ juri li l-kanċellazzjoni hi kkawżata minn ċirkostanzi straordinarji li ma setgħux jiġu evitati anki jekk ittieħdu l-miżuri raġonevoli kollha. Il-linja tal-ajru trid tagħti prova ta’ dan billi tipprovdi, pereżempju, estratti minn ġurnali ta’ abbord jew mir-rapporti tal-inċidenti. It-trasportatur tal-ajru għandu jagħti din l-evidenza lill-korp tal-infurzar nazzjonali kif ukoll lill-passiġġieri kkonċernati f’konformità mad-dispożizzjonijiet nazzjonali dwar l-aċċess għad-dokumenti.

Dewmien

Jekk it-titjira tiegħek tittardja mit-tluq, għandek id-dritt għal assistenza, rimborż u titjira tar-ritorn, skont it-tul tad-dewmien u d-distanza tat-titjira.

Jekk wasalt fid-destinazzjoni finali tiegħek b’dewmien ta’ 3 sigħat jew aktar, int intitolat għal kumpens, sakemm id-dewmien ma kienx minħabba ċirkostanzi straordinarji. Il-linja tal-ajru trid tagħti prova ta’ dan billi tipprovdi, pereżempju, estratti minn ġurnali ta’ abbord jew mir-rapporti tal-inċidenti. It-trasportatur tal-ajru għandu jagħti din l-evidenza lill-korp tal-infurzar nazzjonali kif ukoll lill-passiġġieri kkonċernati f’konformità mad-dispożizzjonijiet nazzjonali dwar l-aċċess għad-dokumenti.

It-titjira tiegħek ġiet ibbukkjata żżejjed

Jekk għaċ-check-in kont preżenti fil-ħin u kellek prenotazzjoni tat-titjira u dokumenti tal-ivvjaġġar validi u ma titħalliex titla’ fuq l-ajruplan minħabba bbukkjar żejjed jew raġunijiet operazzjonali, u ma ċċedix postok volontarjament, inti intitolat għal:

• kumpens
• id-dritt li tagħżel bejn rimborż, rotta alternattiva jew li terġa’ tibbukkja tard u
• assistenza mil-linja tal-ajru

Tqegħid fi klassi ogħla jew fi klassi inferjuri

Jekk titqiegħed fi klassi ogħla, il-linja tal-ajru ma tistax titlob pagament addizzjonali.

Jekk titqiegħed fi klassi inferjuri, inti għandek id-dritt għal rimborż ta’ perċentwal tal-prezz tal-biljett tiegħek, skont id-distanza tat-titjira kif ġej:

a) 30% - titjiriet ta’ 1,500 km jew anqas

b) 50% - titjiriet fl-UE ta’ aktar minn 1,500 km (ħlief għat-titjiriet bejn l-UE u d-Dipartimenti Franċiżi extra-Ewropej), u t-titjiriet l-oħra kollha bejn 1,500 u 3,500 km

c) 75% - titjiriet li ma jaqgħux taħt (a) jew (b), inklużi titjiriet bejn l-UE u d-Dipartimenti Franċiżi extra-Ewropej.

Meta jkun hemm żewġ titjiriet konnessi jew aktar inklużi f’biljett uniku, ir-rimborż hu pagabbli biss għat-titjira fejn tpoġġejt fi klassi inferjuri u mhux għall-vjaġġ kollu. Ir-rimborż għandu jitħallas fi żmien sebat ijiem.

Itlob drittijietek!

Tlift it-titjira konnessa tiegħek

It-titjiriet ta’ konnessjoni huma vjaġġi fejn trid tieħu aktar minn titjira waħda biex tasal fid-destinazzjoni finali tiegħek.

Jekk titlef titjira konnessa u tasal fid-destinazzjoni finali tiegħek b’dewmien ta’ aktar minn 3 sigħat, int intitolat għal kumpens. Dan il-kumpens huwa kkalkulat skont it-tul tad-dewmien u d-distanza għad-destinazzjoni finali tiegħek.

Għandek dritt għal kumpens jekk:

• it-titjira tiegħek kienet ibbukkjata bħala parti minn prenotazzjoni waħda u
• japplikaw id-drittijiet tal-passiġġieri tal-ajru tal-UE u
• il-ħin tal-wasla tiegħek ma kienx ikkawżat minn ċirkostanzi straordinarji

Itlob drittijietek!

Bagalji li jintilfu, issirilhom il-ħsara jew li jittardjaw

Bagalji li jkun sarilhom iċ-check-in

Jekk il-bagalji tiegħek li jkun sarilhom iċ-check-in jintilfu, issirilhom il-ħsara jew jittardjaw, il-linja tal-ajru hija responsabbli u tkun intitolat għal kumpens sa massimu ta’ madwar €1,300. Madankollu, jekk il-ħsara tiġi kkawżata b’difett inerenti fil-bagalji nnifishom, ma għandek dritt għal ebda kumpens.

Bagalji tal-idejn

Jekk issir ħsara lill-bagalji tal-idejn il-linja tal-ajru hija responsabbli jekk kienet responsabbli għall-ħsara.

Assigurazzjoni tal-ivvjaġġar

Biex tiżgura li għandek kopertura suffiċjenti meta tivvjaġġa b’oġġetti li jiswew ħafna flus nagħtuk parir li tagħmel assikurazzjoni privata. Jekk ma tixtieqx tagħmel hekk tista’ titlob limitu ogħla ta’ kumpens (aktar minn €1,300) lil-linja tal-ajru li tkun qed tivvjaġġa magħha billi tħallas xi ħaġa żejda. Dan għandu jsir bil-quddiem, u l-aktar tard meta tagħmel iċ-check-in.

Kif tilmenta

Jekk tixtieq tagħmel ilment għal bagalji mitlufin jew li saritilhom il-ħsara, jeħtieġlek tagħmel dan bil-miktub lil-linja tal-ajru sa 7 ijiem, jew fi żmien 21 jum li fihom tkun irċevejt il-bagalji tiegħek jekk dawn ittardjaw. M’hemm ebda formola standard għall-UE kollha.

Kumpens - ma tħallejtx titla’ fuq l-ajruplan

Jekk wasalt fil-ħin għaċ-check-in, int għandek dejjem tirċievi kumpens jekk ma titħalliex titla’ fuq l-ajruplan. L-unika eċċezzjoni hija jekk kien hemm raġunijiet raġonevoli biex ma titħalliex titla’ fuq l-ajruplan, bħal tħassib dwar is-saħħa, is-sikurezza jew is-sigurtà. Jew jekk ma kellekx id-dokumenti tal-ivvjaġġar meħtieġa.

Anki f’każijiet fejn jeżistu raġunijiet bħal dawn, il-linji tal-ajru xorta jistgħu joffrulek kumpens skont it-termini u l-kundizzjonijiet speċifiċi marbuta mal-biljett tiegħek.

Titjira konnessa - prenotazzjoni waħda b’check-in wieħed

Jekk ma tħallejtx titla’ fuq l-ajruplan minħabba li l-linja tal-ajru li topera t-titjira konnessa qieset li se tasal tard wisq biex titla’ fuq din it-titjira (peress li l-ewwel titjira tiegħek ittardjat), tirċievi kumpens.

Jekk il-linja tal-ajru offrietlek rotta alternattiva u tasal fid-destinazzjoni finali tiegħek b’dewmien, il-kumpens jista’ jonqos b’50 % kif indikat fit-tabella t’hawn taħt.

Kumpens jekk it-titjira tiegħek tiġi ridirezzjonata

Itlob drittijietek!

Kumpens - kanċellazzjoni

Jekk it-titjira tiġi kkanċellata, il-linja tal-ajru għandha toffrilek għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta alternattiva għad-destinazzjoni finali tiegħek mal-ewwel opportunità, jew
3. rotta alternattiva f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru jaf xorta jkollha tipprovdi kumpens:

• jekk tagħżel li tiġi rimborżat għall-biljett tiegħek, il-kumpens dovut ikun jiddependi mit-tul tat-titjira tiegħek
• jekk tagħżel rotta alternattiva, il-kumpens dovut ikun jiddependi mit-tul tat-titjira tiegħek u mid-dewmien biex tasal fid-destinazzjoni finali tiegħek, meta dan il-ħin jitqabbel mal-ħin tal-wasla inizjalment skedat.

M’intix intitolat għal kumpens:

• jekk tiġi informat aktar minn 14-il jum minn qabel
• jekk tiġi informat bejn ġimagħtejn u 7 ijiem qabel it-tluq skedat u tiġi offrut rotta alternattiva li tippermettilek:
  • titlaq mhux aktar minn sagħtejn qabel il-ħin tat-tluq oriġinali skedat
  • tasal fid-destinazzjoni finali tiegħek anqas minn 4 sigħat wara l-ħin tal-wasla oriġinali skedat

• tiġi informat anqas minn 7 ijiem qabel it-tluq skedat u tiġi offrut rotta alternattiva li tippermettilek:
  • titlaq mhux aktar minn siegħa qabel il-ħin tat-tluq oriġinali skedat
  • tasal fid-destinazzjoni finali tiegħek anqas minn sagħtejn wara l-ħin tal-wasla oriġinali skedat.

Jekk il-linja tal-ajru offrietlek rotta alternattiva u tasal fid-destinazzjoni finali tiegħek b’dewmien, il-kumpens jista’ jonqos b’50 % kif indikat fit-tabella t’hawn taħt.

Kumpens jekk it-titjira tiegħek tiġi ridirezzjonata

M’intix intitolat għal kumpens f’każ ta’ ċirkostanzi straordinarji li ma setgħux jiġu evitati, avolja ttieħdu l-miżuri raġonevoli kollha.

Itlob drittijietek!

Kumpens - dewmien fil-wasla

• Jekk tasal fid-destinazzjoni finali tiegħek b’dewmien ta’ 3 sigħat jew aktar inti intitolat għal kumpens jekk id-dewmien ma kienx ikkawżat minn ċirkostanzi straordinarji.
• Jekk titlef titjira konnessa fi ħdan l-UE jew barra l-UE fuq titjira minn pajjiż tal-UE, għandek tkun intitolat għal kumpens, jekk tasal fid-destinazzjoni finali tiegħek b’dewmien ta’ aktar minn 3 sigħat. Mhux rilevanti jekk it-trasportatur li jopera t-titjira konnessa huwiex linja tal-ajru tal-UE jew mhux tal-UE.
• Jekk titlaq minn pajjiż mhux fl-UE għad-destinazzjoni finali tiegħek f’pajjiż tal-UE, b’titjiriet konnessi operati suċċessivament minn linji tal-ajru mhux tal-UE u tal-UE jew minn linji tal-ajru tal-UE biss, it-titjiriet operati minn linji tal-ajru tal-UE biss jitqiesu għad-dritt għal kumpens f’każ ta’ dewmien twil mal-wasla fid-destinazzjoni finali.
• M’intix intitolat għal kumpens jekk titlef titjiriet konnessi minħabba dewmien fil-kontrolli tas-sigurtà jew jekk ma rrispettajtx il-ħin tal-imbark tat-titjira tiegħek fl-ajruport tat-trasferiment.
• Jekk taċċetta titjira lejn ajruport differenti minn dak oriġinali u tasal tard, m’intix intitolat għal kumpens. Il-ħin tal-wasla użat biex jiġi kkalkulat id-dewmien huwa l-ħin tal-wasla fl-ajruport imsemmi fl-ibbukkjar oriġinali jew id-destinazzjoni li qbilt dwarha mal-linja tal-ajru. L-ispejjeż tat-trasport bejn l-ajruport alternattiv u dak fl-ibbukkjar oriġinali jew tad-destinazzjoni li tkun qbilt dwarha għandhom jitħallsu mil-linja tal-ajru.

Jekk il-linja tal-ajru offrietlek rotta alternattiva u tasal fid-destinazzjoni finali tiegħek b’dewmien, il-kumpens jista’ jonqos b’50 % kif indikat fit-tabella t’hawn taħt.

Kumpens jekk it-titjira tiegħek tiġi ridirezzjonata

Itlob drittijietek!

Kumpens - ma tħallejtx titla’ fuq l-ajruplan minħabba bbukkjar żejjed

Dejjem għandek tirċievi kumpens jekk ma titħalliex titla’ fuq l-ajruplan.

Titjira konnessa - prenotazzjoni waħda b’check-in waħda.

Jekk ma tħallejtx titla’ fuq l-ajruplan minħabba li l-linja tal-ajru li topera t-titjira konnessa qieset li se tasal tard wisq biex titla’ fuq din it-titjira (peress li l-ewwel titjira tiegħek ittardjat), tirċievi kumpens.

Jekk il-linja tal-ajru offrietlek rotta alternattiva u tasal fid-destinazzjoni finali tiegħek b’dewmien, il-kumpens jista’ jonqos b’50 % kif indikat fit-tabella t’hawn taħt.

Kumpens jekk it-titjira tiegħek tiġi ridirezzjonata

Itlob drittijietek!

Assistenza f’każ li ma titħalliex titla’ fuq l-ajruplan

Il-linji tal-ajru jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b’diżabbiltà u l-klieb ta’ servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ngħatajtx assistenza u kellek tħallas għal kwalunkwe ħaġa minn dawk elenkati hawn fuq minn butek, il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta alternattiva, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob drittijietek!

Assistenza f’każ ta’ kanċellazzjoni

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b’diżabbiltà u l-klieb ta’ servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ġietx mogħtija assistenza u kellek tħallas għall-ikel u x-xorb tiegħek eċċ. il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta alternattiva, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob drittijietek!

Assistenza f’każ ta’ dewmien mit-tluq

Jekk linja tal-ajru tistenna li t-titjira tiegħek se tittardja lil hinn mill-ħin tat-tluq skedat, int intitolat għal ikel u xorb, skont kemm se jkollok tistenna, u 2 telefonati, emails jew faxes bla ħlas. Il-punt li fih inti intitolat għal dawn id-drittijiet jiddependi fuq it-tul tad-dewmien u d-distanza tat-titjira kif ġej:

• dewmien ta’ sagħtejn jew aktar għal titjiriet ta’ 1,500 km jew anqas
• dewmien ta’ 3 sigħat jew aktar għal titjiriet intra-UE ta’ aktar minn 1,500 km u għat-titjiriet l-oħrajn kollha bejn 1,500 km u 3,000 km
• dewmien ta’ erba’ sigħat jew aktar għat-titjiriet l-oħrajn kollha

Fejn il-ħin tat-tluq il-ġdid mistenni huwa ta’ mill-anqas jum wara l-ħin tat-tluq skedat inizjalment, int intitolat għall-akkomodazzjoni f’lukanda u t-trasport lejn u mill-ajruport u l-akkomodazzjoni tiegħek (jekk jeħtieġlek toqgħod il-lejl).

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b’diżabbiltà u l-klieb ta’ servizz tagħhom.

Jekk ma ġietx mogħtija assistenza u kellek tħallas għall-ikel u x-xorb tiegħek, il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta alternattiva, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob drittijietek!

Assistenza f’każ li ma titħalliex titla’ fuq l-ajruplan minħabba bbukkjar żejjed

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b’diżabbiltà u l-klieb ta’ servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ġietx mogħtija assistenza u kellek tħallas għall-ikel u x-xorb tiegħek eċċ. il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta alternattiva, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob drittijietek!

Rimborż, rotta alternattiva jew ibbukkjar mill-ġdid f’każ li ma titħalliex titla’ fuq l-ajruplan

Il-linja tal-ajru għandha toffrilek, fuq bażi ta’ darba, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta alternattiva għad-destinazzjoni finali tiegħek mal-ewwel opportunità, jew
3. rotta alternattiva f’data aktar tard meta jkun l-aħjar għalik taħt kundizzjonijiet ta’ trasport komparabbli (jiġifieri “bbukkjar mill-ġdid”), suġġett għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru xorta tista’ tipprovdi kumpens skont id-distanza tat-titjira tiegħek u t-tul tad-dewmien mill-ħin tal-wasla oriġinarjament ippjanat.

• Jekk il-linja tal-ajru ma tikkonformax mal-obbligi tagħha li toffrilek rotta alternattiva jew titjira ta’ ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż marbuta mat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta alternattiva iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta’ ritorn separatament ma’ linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Madankollu, jekk it-titjiriet lejn id-destinazzjoni u tar-ritorn huma operati minn linja tal-ajru differenti, iżda kienu parti minn prenotazzjoni waħda, jekk it-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta alternattiva fuq titjira oħra għat-titjira lejn id-destinazzjoni

Itlob drittijietek!

Rimborż, rotta alternattiva jew ibbukkjar mill-ġdid fil-każ ta’ kanċellazzjoni

Il-linja tal-ajru għandha toffrilek abbażi ta’ darba biss, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta alternattiva għad-destinazzjoni finali tiegħek mal-ewwel opportunità, jew
3. rotta alternattiva f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru jaf xorta jkollha tipprovdi kumpens skont id-distanza tat-titjira tiegħek u skont b’kemm ikun inqabeż il-ħin oriġinali tal-wasla.

• Jekk il-linja tal-ajru ma tikkonformax mal-obbligi tagħha li toffrilek rotta alternattiva jew titjira ta’ ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż marbuta mat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta alternattiva iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta’ ritorn separatament ma’ linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Jekk it-titjiriet lejn id-destinazzjoni u tar-ritorn huma operati minn linji tal-ajru differenti, iżda kienu parti minn prenotazzjoni waħda, fl-avveniment li t-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta alternattiva fuq titjira oħra għat-titjira lejn id-destinazzjoni

Itlob drittijietek!

Rimborż u titjira ta’ ritorn f’każ ta’ dewmien twil (5 sigħat jew aktar) mit-tluq

Jekk it-titjira tiegħek tittardja tal-anqas 5 sigħat mit-tluq, il-linja tal-ajru għandha tirrimborża l-biljett tiegħek u, jekk għandek titjira konnessa, toffri servizz ta’ ritorn lejn l-ajruport tat-tluq mal-ewwel opportunità.

Itlob drittijietek!

Rimborż, rotta alternattiva jew ibbukkjar mill-ġdid f’każ li ma titħalliex titla’ fuq l-ajruplan minħabba bbukkjar żejjed

Il-linja tal-ajru għandha toffrilek abbażi ta’ darba biss, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta alternattiva għad-destinazzjoni finali tiegħek mal-ewwel opportunità, jew
3. rotta alternattiva f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru xorta tista’ tipprovdi kumpens skont id-distanza tat-titjira tiegħek u t-tul tad-dewmien mill-ħin tal-wasla oriġinarjament ippjanat.

• Jekk il-linja tal-ajru ma tikkonformax mal-obbligi tagħha li toffrilek rotta alternattiva jew titjira ta’ ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż marbuta mat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta alternattiva iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta’ ritorn separatament ma’ linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Madankollu, jekk it-titjiriet lejn id-destinazzjoni u tar-ritorn huma operati minn linja tal-ajru differenti, iżda kienu parti minn prenotazzjoni waħda, jekk it-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta alternattiva fuq titjira oħra għat-titjira lejn id-destinazzjoni

Itlob drittijietek!

Ċirkostanzi straordinarji - Kanċellazzjoni

Ċirkostanzi straordinarji jistgħu jwasslu għal kanċellazzjoni(jiet) jew dewmien fid-destinazzjoni finali. Eżempji ta’ avvenimenti definiti bħala ċirkostanzi straordinarji huma deċiżjonijiet dwar il-ġestjoni tat-traffiku tal-ajru, l-instabbiltà politika, kundizzjonijiet ħżiena tat-temp u r-riskji għas-sigurtà.

Sitwazzjonijiet li mhumiex ikkunsidrati bħala straordinarji jinkludu:

• Il-biċċa l-kbira tal-problemi tekniċi li jinqalgħu matul il-manutenzjoni tal-ajruplan jew li huma kkawżati minħabba li l-ajruplan ma setgħetx issiru l-manutenzjoni
• kolliżjoni tat-taraġ mobbli tal-imbarkazzjoni ma’ ajruplan
• strajkijiet mill-persunal tat-trasportatur tal-ajru (strajk intern)

Kwalunkwe strajk estern għal trasportatur tal-ajru li jaffettwa l-operat tal-linja tal-ajru jista’ jitqies bħala ċirkostanzi straordinarji. Madankollu, biex linja tal-ajru tkun eżentata milli tħallas kumpens, hi trid tagħti prova li: i) hemm rabta bejn iċ-ċirkostanzi straordinarji u d-dewmien jew il-kanċellazzjoni, kif ukoll ii) id-dewmien jew il-kanċellazzjoni ma setgħux jiġu evitati anki jekk ittieħdu l-miżuri raġonevoli kollha.

Jekk il-linja tal-ajru ma tagħtikx spjegazzjoni sodisfaċenti, tista’ tikkuntattja lill-awtorità nazzjonali en tiegħek għal aktar assistenza.

Ċirkostanzi straordinarji - Dewmien

Ċirkostanzi straordinarji jistgħu jwasslu għal kanċellazzjoni(jiet) jew dewmien fid-destinazzjoni finali. Eżempji ta’ avvenimenti definiti bħala ċirkostanzi straordinarji huma deċiżjonijiet dwar il-ġestjoni tat-traffiku tal-ajru, l-instabbiltà politika, kundizzjonijiet ħżiena tat-temp u r-riskji għas-sigurtà.

Sitwazzjonijiet li mhumiex ikkunsidrati bħala straordinarji jinkludu:

• Il-biċċa l-kbira tal-problemi tekniċi li jinqalgħu matul il-manutenzjoni tal-ajruplan jew li huma kkawżati minħabba li l-ajruplan ma setgħetx issiru l-manutenzjoni
• kolliżjoni tat-taraġ mobbli tal-imbarkazzjoni ma’ ajruplan
• strajkijiet mill-persunal tat-trasportatur tal-ajru (strajk intern)

Kwalunkwe strajk estern għal trasportatur tal-ajru li jaffettwa l-operat tal-linja tal-ajru jista’ jitqies bħala ċirkostanzi straordinarji. Madankollu, biex linja tal-ajru tkun eżentata milli tħallas kumpens, hi trid tagħti prova li: i) hemm rabta bejn iċ-ċirkostanzi straordinarji u d-dewmien jew il-kanċellazzjoni, kif ukoll ii) id-dewmien jew il-kanċellazzjoni ma setgħux jiġu evitati anki jekk ittieħdu l-miżuri raġonevoli kollha.

Jekk il-linja tal-ajru ma tagħtikx spjegazzjoni sodisfaċenti, tista’ tikkuntattja lill-awtorità nazzjonali en tiegħek għal aktar assistenza.

Itlob drittijietek!

Jekk taħseb li d-drittijiet tiegħek ma ġewx rispettati, hemm diversi forom ta’ rimedju li tista’ tuża. Madankollu dejjem għandek l-ewwel tibgħat l-ilment tiegħek lil-linja tal-ajru. Tista’ tikkonsulta wkoll liċ-Ċentru Ewropew tal-Konsumatur tiegħek għal għajnuna u pariri dwar problemi relatati mad-drittijiet tal-passiġġieri tal-ajru.